Şaredarîya Bajarê Girdî uya Dîyarbekirî kursanê Merkezê Cigêrayîş û Caardişê Problemê Cinîyan(DÎKASUM) de cinîyan kenî wayîrê mesleg û hunerî.

Serekîya Dayîreyê Xizmetanê Cinîyan ya Şaredarîya Girdî semedo ke desteg bide îstîxdamê cinîyan xebatanê xo bê mîyan domneno.

Merkezê Cuya Cinîyan Midurîya DÎKASUMî ser o xebate kena û ciNîyan tîya de tewrê kursê musayîşê meslegan benî.Cinîyan nê merkezan de kursê Wendîş- Nuştîş, Ciewnîyayîşa Nêweş û Kokiman, Ewnîyayîşa Porî, Hunerê Destan, Step û Aerobîk, Perwerdeyê Dînî û Quran-î Qerîmî, Îstîxsalê Cilî û Aşçîyî de mesleg musenê.

Leyla Ogane ke wayîrê 2 gedeyî ya û kursê Ewnîyayîşa Porî ra îstîfade kerdbî û saya kurse de bîya wayîrê meslege.

Ogan perwerdeyan ra dima qezaya Yenîşehrî taxa Şehîtlîkî mintiqa Ben û Sen de kargêhêk akerda û kursîyerê ke aye ra reyde perwerde girewtbî akerdişê kargehê Oganî de desteg dayê aye.

Cinîyî bade pîya kurdele birnayî û kargehî akerd.

Oganî aşkera kerd ke hetêk ra saya kurse de mesleg musaya heto bîn ra zî embazanê delal şinasnaya û aye ra heme cinîyan rê peşnîyaz kena ke kursanê şaredarî ra îstîfade bikerên.Oganî qalîkerdiŞê xo wina domna: “Ez wazena biba vengê cinîyan. Mi kerda ê zî eşkenê tekoşîn bikerê û her çîyê ke wazenê bigîrê.Mi hetê ekonomîyî de zaf zehmetî ant û ez nika wazena hetê înan bigîra.”

Perwerdekar Şırın Seyıtvane zî aşkera kerd ke kursan de cinîyan deteg danê yewBîann û pîya aver şînê.Seyıtvane bade wina vat : “Cinîyî tîya de tewrê aktîvîteyan bene û bawerîyê înan yena ca. Cinîyî ma hetê psîkolojîyî zî tîya de rehet bene. Leyla Xanim ina babete de nimuneyêk a. “