Midurîya Pêroyî yê Awe û Îdareyê Kanalîzasyonî ya Şaredarîya Bajarê Girdî ya Dîyarbekirî qezaya Sûrî taxa Bostanpinarî de probleme awa şimitişî safî kerd.

Midurîya DÎSKÎ semedo ke problemê awa şimitişî safî bikero taxan de akerdişê bire sondajî domneno.

Ekîbê DÎSKÎ taxa Bostanpinarî de çarçiwa xebatanê bire sondajî de 580 metre xorînîye de awa şimitişî ame kîfşkerdiş. Encamê xebate de nimuneyê awe erşawîya û goreyê netîceyê tehlîlan awe goreyê xebitnayişî munasîb vinîya.

Midurê DÎSKÎ Fırat Tutşı xebata sondajî ya taxa Bostanpinarî sehna û derheqê xebatan di agahî girewt. Tutşı da zanayene ke taxan de hetanî ke probleme awe safî biba xebatanê înan dewom bikero.