Midurîya Awe û Îdareyê Kanalîzasyonî ya Şaredarîya Bajarê Girdî ya Dîyarbekirî (DÎSKÎ) saya xebatan di probleme awe ya qezaya Peyasî taxa Serapguzelî safî kerd.

Midurîya Awe û Îdareyê Kanalîzasyonî ya Şaredarî semedo ke hem merkeze bajarî de hem zî teber de probleme awe û binawanî safî bikero şewe û roje xebatanê xo domneno.

Ekîbê şaredarî qezaya Peyasî taxa Serapguzelî yo ke 400 keye û 1800 kes estê, xebatanê xo qedînay.Çarçiwa xebatan di ekîbê şaredarî 363 girêdayişê abeneyan viraşt û probleme awe safî kerd.

Tutşî û Koç dewijan reyde ameyê têhet

Midurê Pêroyî ya DÎSKÎ Fırat Tutşı û Qeymeqom û Serekwekîlê Şareadrîya Peyasî Unal Koç taxa Serapguzelî de muxtar û dewijan reyde ameyê têhet.

Şaredarîya Peyasî do taxa Serapguzelî de pê qedîyayişê xebata awa şimitişî dest pê xebata serawanî biekro.