Şaredarîya Erxenî 4 heb wesayîtê karî erînay û Walîyê Dîyarbekirî Munır Karaloglu,Sekreterê Pêroyî ya Şaredarî Ayhan Kardan, Şaredarê Baxlarî Huseyın Beyoglu û hemwelatîyan tewrê merasime girewtişê wesayîtan bîyî.

Walî Munır Karaloglu merasim de qalîkerdişêk viraşt û wina vat: “Ma 17 qezayê Dîyarbekirî de miduranê mintiqa, miduranê bajarî,qeymeqom, Şaredarîya Girdî û şaredarîya qezayon reyde doş bi doş semedê averşîyayişê qalîteyê cuya hemwelatê xo û bajarê xo xebetîyenî.”

Walîyê Dîyarbekirî Munır Karaloglu tewrê merasime girewtişê wesayîtê karî ya Şaredarîya Erxenî bî. Merasîm Parkê Îstasyonî de virazîya.Şareadrîya Erxenî semedê xebatê pakî 3 kamyon û semedê xebata karaNê fenî 1 kepçe erînay.

Karalogluyî vîr vîst ke rehmetîyo Sezaî Karakoç tîya de ameyo dîna û meqamê Hz.Zulkîfî tîya de ca gêno, aye ra bajarêko zaf girîng o.

Karalogluyî kîfş kerd ke heme qezayanê Dîyarbekirî de semedê huzur û weşîye hemwelatîyan xebatan virazîyeno.

Karalogluyî bade wina vat :” Ma 17 qezayê Dîyarbekirî de miduranê mintiqa, miduranê bajarî,qeymeqom, Şaredarîya Girdî û şaredarîya qezayon reyde doş bi doş semedê averşîyayişê qalîteyê cuya hemwelatê xo û bajarê xo xebetîyenî.

Karalogluyî waşt wa nê wesayîtan bibe wesîleyê xeyran û da zanayene ke endî Erxenî de probleman hîna leze bêra safîkerdiş.

Karalogluyî îzeh kerd ke Şaredarîya Girdî qezaya Erxenî de xebatanê zaf girîng virazeno û vîr vîst ke serra 2021 de Erxenî de 125 kîlometre asfalt virazîyayo.

Karalogluyî da zanayene ke probleme awa şimitişî û binawanî ya Erxenî zî hema hema qedîyayo.

Mijdanê Xeraj û Baxçeyê Şarî

Karalogluyî qalîkerdişê xo de mijdanê xeraj û Baxçeyê Şarî daye.

1000 kesan rê îstîxdam

Karalogluyî kÎfş kerd ke tamîrxaneyê Rayîro Asinen ya Dewlete bêra açarîyayiş û bibê berê îstîxdamî û badê wina vat : “Projeyê “Zêdekerdişê Îstîxdamê Ciwanan” pê şirikîya Wezaretê Sanayî, Teknolojî û Sporî virazîyeno û heqê projeye ameya YIKOBî. Projeyê înan qedîya û nika ma dest Pê îhaleyan kenî. Ma inşallah demêko kilm de tîya de xebatanê xo biqedîne û tîya hetê citare û konfeksîyonî de bibê bere îstîxdamî.Erxenî de pê qedîyayişê ina projeye 1000 hemwelatê ma tîya de îstîxdam bibê.

Merasîm de Qeymeqomê Erxenî Ahmet Karaaslanî zî qalîkerdişêk viraşt.