Qezaya Bismilî de 5 kargehê çîtare ya ke bêra awankerdiş û 1500 hezar hemwelatîyan rê bibê berê kargehî tewrê Walîyê Dîyarbekirî Munır Karalogluyî erzîya. Walî Karaloglu merasim de wina vat: “Ma wazeme ke heme ciwananê ma bibê wayîrê karî û semedo ke hemwelatê ma seba karî bajarê xo terk mekerê xo rê bajarê xo de kar û gure bivînê ma xebetîyenî.

Wezaretê Sanayî û Teknolojî û Wezaretê Ciwan û Sporî semedo ke ciwanan rê kar peyda bikerê 28ê Nîsane serra 2021 de protokole ameybî îmzakerdiş û netîceyê ci de zî qezaya Bismilî de bingehê 5 kargehê çîtare erzîya.

Walî Karaloglu qalîkerdişê xo de da zanayene ke qezayanê Bismil,Çermug,Erxenî û OSB yê Citare de projeyanê ke bedelê înan 57 mîlyon lira yo virazîyeno.

5 kargehanê ke bingehê înan erzîya rê zî 32 mîlyon û 500 lira mesref şino.Karalogluyî qalîekrdişê xo wina domna :” Ma wazeme ke heme ciwananê ma bibê wayîrê karî û semedo ke hemwelatê ma seba karî bajarê xo terk mekerê xo rê bajarê xo de kar û gure bivînê ma xebetîyenî.”

Karaloglu pêynîya qalîkerdişê xo de destegê înan ver Serekkomar Recep Tayyıp Erdogan û parlementeran rê spas kerd

Merasîm rê Parlementeranê AK Partî Mehmet Mehdi Eker , Ebubekır Bal, Oya Eronat, Qeymeqomê Bismilî Hakan Zengince, midurê sazgehan û hemwelatîyan beşdar bîyî.