Hunermend Celal Guzelses, serrgêra mergê 63ine de ame yadkerdiş.

Walîyê Dîyarbekirî Munır Karaloglu “Ma do bajarê xo yo rengîn pê senet, kultur û sporî bikeme hîna rengîn. Dîyarbekir de do Sezaî Karakoç Zîya Gokalp û Celal Guzelsesî newe biresê. “

Şaredarîya Bajarê Girdî ya Dîyarbekirî çarçiwa programê aşma Sibate de şewa yadkerdişê Hunermend Celal Guzelsesî serrast kerd.

Serekîya Dayîreyê Karanê Kultur û Sosyalî ya Şaredarîya Bajarê Girdî ya Dîyarbekirî çarçeweya Sezonê Kultur û Senetî ya Feqîyê Teyranî de aktîvîteyê xo domneno.

Hemkarîya Şaredarîya Girdî, Wezaretê Kultur û Turîzmî û TRT bi wesîleya serrgêra mergê 63ine de konser tertip kerd.

Çalakî TRT 2 ser o pê weşano ganî weşanîya û Merkezê Kultur û Kongreyî ya Şaredarî de virazîya.

Konser Îdarekarîyê Şef Zafer Gundogduyî de virazîya û komser de hunermednê TRT û Koroyê Medenîyetî ya Wezaretê Kultur û Turîzmî deyran vat.

Pêynîya çalaki de Walî Karaloglu, tornê Celal Guzelsesî rê plaket teqdîm kerd.

Walî Karaloglu çalaki de qalîekrd û da zanayene ke ewro Celal Guzelses pê berhemê xo ameyo yadkerdiş.Karalogluyî bal ont giringîya çalakîyê kultur û hunerî ser o û wina vat : “Dîyarbekir bajarêko zaf qedîm o. Tarîxê xo de tim bîyo merkezê senet û kulturî. Dîyarbekir bîyo wesîleyê resayîşê şaîr û nuştoxanê qedîm.Ma do inşallah bajarê xo yo rengîn pê senet, kultur û sporî bikeme hîna rengîn.”

Çalakî de Hunermend Recep Kaymak û Zafer Gundogduyî zî qalîekrdişêk viraşt û kamîya senetî ya Cella Guzelsesî ser o qalî kerd.

Hunermend Husamettın Subaşı zî da zanayene ke Dîyarbekir wayîrê musîkîyêko zaf rengîn o û bade wina vat : “Repertuarê ma de en zêde deyrê Dîyarbekirî estê. Dîyarbekir cîya-cîya qewman rê zî wayîrî kerdo û ina babete de destegê Celal Guzelsesî zaf o.”

Huenrmend Selvı Pamukçuye zî aşkera kerd ke saya nê çalakîyan yewî û pîyayîya ma aver şino.